Kreppan grynnri og flekklaus Bjarni Ben.

Þar sem Axel J. Axelsson dælir svo skart frá sér ritverkum, að athugasemdir við skrif hans fara að mestu leiti í glatkistuna, þá hefur verið lagt að mér að birta svar mit við tveimur af hans innleggjum (sem mér finnast nú ekki merkileg) á eigin bloggi.   

 

Þrillerinn um Íslansránið mikla er svo margslungin og flókinn, að manni sem hefur haft um margt annað að hugsa, hefur reynst illmögulegt að fylgjast með söguþræðinum. T.d. ýtti ég þessu Bjarna Ben máli, ásamt mörgu öðru, frá mér, enda Kaupi ég ekki DV og trúi engu sem þar er skrifað nema fá það staðfest með öðrum hætti.

Ég hef því lagt það á mig undanfarna daga (þar sem ég er í fríi um stundarsakir) að skoða það nokkuð vel. Án þess að fara yfir efnisatriðin (sem þið hafið sennilega kynnt ykkur sjálf fyrir löngu) þá er niðurstaða mín þessi.

Bjarni Benidiktsson fékk risalán frá mönnum sem hann hlaut að vita, á þeim tíma er lánið var tekið, að voru meir en lítið vafasamir. Þjófnaður þeirra á bótasjóð Sjóvár var á allra vitorði og þeir sem voru vel inn í íslensku viðskipalífi hlutu að skynja hvað var á seyði. 

 Fyrir það álasa ég Bjarna, en fordæmi ekki. Í því hugarfari sem hér ríkti, þá virðumst við flest öll hafa lokað á þann möguleik, að sú  gósentíð sem við lifðum væri blekking. Til að N1 héldi lífi varð það að fá lán og menn þar á bæ urðu að gera það upp við sig í flýti, hvort þeir gripu hálmstráið eða ekki.  Mín skoðun er sú að þessi verknaður geri Bjarna Ben ekki að óheiðarlegum manni. Í hans stöðu er ég vissum að ég hefði gert það sama, þrátt fyrir að verða bumbult.

Það að viðskiptafélagar Samfylkingarinnar verði ekki utan rimlanna mikið lengur, þá vær ekki úr vegi, Axel, að fara að skipa þeim klefafélaga úr röðum þinna manna þar sem af nógu verður að taka.

Athugasemdir

[Dingli, 22.4.2010 kl. 01:59]

Þar sem Axel J. Axelsson dælir svo skart frá sér ritverkum, að athugasemdir við skrif hans fara að mestu leiti í glatkistuna, þá hefur verið lagt að mér að birta svar mit við tveimur af hans innleggjum (sem mér finnast nú ekki merkileg) á eigin bloggi.   

Þennan formála minn vantaði.

[Árni Gunnarsson, 22.4.2010 kl. 07:05]

Axel er greindarpiltur að upplagi. En hann hefur hengt upp hjá sér þessa einföldu heimsmynd hægri manna að pólitískt siðferði megi aldrei hindra menn í viðskiptum, þ.e.a.s hægri menn að sjálfsögðu.

Varnarbaráttan um siðferði formannsins snýr öll í þá átt að halda því fram að Bjarni garmurinn hafi ekkert vitað um nein vafasöm viðskipti í tengslum við erindi hans. Hann bara fór með bréf og svo var það búið fyrir utan að mig minnir að hann hafi þurft að skrifa nafnið sitt einhvers staðar svona pro forma.

Var það ekki bara vegna þess að hann var "á þeim tíma í stjórninni?"