KLEPPUR HRAÐFERÐ.

Fréttir, svo reyfarakenndar, að maður hefur stundum þurft að klípa sig 5 sinnum til að trúa því að hryllingurinn sé raunverulegur, hafa helst yfir Íslensku þjóðina (og aðrar þjóðir líka) frá hruninu mikla. Stöku sinnum hefur þó læðst með ein og ein hrunafrétt þar sem ekki hefur verið annað hægt en skella uppúr yfir yfirgengilegum heimskupörum ráðamanna Draumalandsins og hafa slík spennulosandi æðisköst stundum bjargað deginum.

Ég get þó ekki að því gert síðan ég sé frétt nokkra á Vísi.is rétt áðan,að ég hlæ ekki, græt ekki, hrylli ekki við og trúi als ekki eigin skilningarvitum! Þessi frétt er án vafa ein sú sturlaðasta!!       dong-dong!

http://www.visir.is/runolfur-verdur-verkefnastjori-alversins-i-helguvik/article/2010453060179

Furðulegt! Var þá til eitthvað annað?

Viðbrögð Moggabloggara við þeirri miklu gleðifrétt, að Mitsubishi og önnur stórfyrirtæki séu nánast búin að ákveða Ísland sem þróunarland fyrir notkun á Dimethyl eter (DME) sem eldsneyti á farartæki, finnast mér skrítin og undarleg. Allir, held ég megi segja, hafa þeir ráðist á ríkisstjórnina og ekki nokkur sagt orð af viti um málið. Einkum hefur Svandís Svavarsdóttir fengið yfir sig skens og jafnvel skít.

Óánægja mín með stjórnvöld er mikil, en nú er verið að bulla því Svandís á þátt í því að þessi möguleiki er fyrir hendi.

Hugmyndin að þessu er ekki ný og eftir langar þreifingar var skrifað undir samstarf við Mitsub. um athugun á tæknilegum og praktískum möguleikum á að framleiða DME á Íslandi. Járnblendiverksmiðjan á Grundartanga var valin sem kolefnisgjafinn í verkefninu og það virðist hafa komið svo vel út, að menn eru alvarlega að hugsa um að drífa bara í þessu.

Fimm hundruð tonn á dag þurfa ca. 300MW.!!Sú orka er til, en með naumindum þó. Ráðast þarf í stórvirkjanir, en hvar, á eftir að finna út og ákveða. Að auki hafa Íslenskir vísindamenn um margra ára skeið verið að rannsaka notkun útblástur (kolmónoxíðið) frá borholum. Verði tæknilegir erfiðleikar leystir(sem er bara tímaspursmál) verður nánast um byltingu að ræða.

Svandís Svavarsdóttir stöðvaði að allri orku sem völ var á sunnanlands yrði ráðstafað í Helguvíkur brjálæðið, sem hefði þá útilokað þessa framkvæmd! Og ekki bara þessa, ef af verður, heldur líka að til væri raforka til að framleiða það vetni sem þarf að blanda við útblástur borholanna á Hellisheiði og víðar, svo hægt sé að nýta þá stórmerku tækni sem er að mestu Íslensk, að breyta brennisteins- útblæstrinum í dýrmætt eldsneyti. 

Þrátt fyrir að svo virðist sem Svandís hafi gerst lögbrjótur þá hljóta lögbrot sem hafa afleiðingar sem þessar að flokkast undir máltækið: Nauðsyn brýtur lög.

Ætla ekki að fjalla meir um málið þar sem fullt af fólki hefur mikið meira vit á þessu en ég.

P.S.  Fyrirgefið mér að ég skuli skamma ykkur í byrjun.

Risaverksmiðja í pípunum

Óljós og heimskulegur fréttafluttningur og/eða ummæli.

Hvað hefur þessi Hákon fyrir sér í því hvers eðlis ofsóknirnar eru? Hefur það komið í ljós við skoðun málsins, rannsókn er varla hafin, að undirrót þess séu kynþáttafordómar?

Virðist samband þeirra hafa vakið upp annarleg viðhorf og kynþáttafordóma.

Get ekki að því gert, en skrítin finnst mér þessi setning.  Nokkrir bloggara hafa í greinum og ath. lýst hneykslan sinni og kannski ekki nema von, en væri ekki betra að fá botn í málið áður en farið er rífa hár sitt yfir því sem engin veit enn hvort er.

Feðgar flýðu land vegna hótana

Myndir Westergaard eru frá múslimum komnar.

Það eru félagar al Qaeda og aðrir heilalausir fáráðar sem smána Spámanninn. Þeir sjálfir sköpuðu myndir þær af spámanni sínum, er Westergaard teiknaði. Sú vitfirringslega múgsefjun og heift sem klerkaveldið skipulagði, til að kynda undir hatur á vestrænum siðum og gildum er smán við Guð. Tilgangurinn enda sá einn, að treysta völd sín á lýðnum með óvin sem allir hata.  

Einna verst er þó hvað öfgarnar virðast ná langt niður í vitund almennra fylgjenda Múhameðs. Ógnarstjórn sem rekin er frá Moskum, útskúfar fólki, misþyrmir og drepur ef svo ber undir. Heiðursmorðaviðbjóðurinn, sem stór hluti sænskra múslima taldi í skoðanakönnun réttlætanleg, sýnir þankagang sem ekki er líðandi í samfélagi manna, en nær fullvíst er, að slík morð eru ekki framin nema með velþóknun trúarlegrar yfirstjórnar svæðisins. Engin veit svo tölu þeirra stúlkna sem sviptar eru sjálfræði og þvingaðar til að lúta vilja fjölskyldunnar(föður og bræðra)

Í mörgum landa Islam eru stöðugt framin hrikaleg mannréttindabrot gegn minnihlutahópum og í sumum þeirra dauðasök að ganga af trúnni. Slíkt er brot á trúfrelsisákvæði Sameinuðuþjóðanna og ætti því að reka þessi ríki úr samfélagi þjóðanna og einangra með öllu. En hagsmunir olíufélaga og vopnasala ganga víst fyrir mannréttindum. 

 Allt það góða fólk sem trúir á Spámanninn, hin almenni múslimi, verður að fara að losna undan ægivaldi klerkanna, svo hann geti þroskað trú sína frá fornaldarviðhorfum og sjálfa sig sem sjálfráða einstakling. Öll eigum við að fæðast frjáls í þennan heim og fá tækifæri til að þroskast andlega á þann hátt sem hver og einn kýs.

Eingyðistrúarbrögðin sérstaklega, hefta mannkynið til frekari þroska. En það er önnur saga.

Þrír Danir á dauðalista al-Qaeda

Nóg af seðlum?

Margur skuldum hlaðin kaupandinn yrði glaður við að fá þá aura sem sóað er í slíkan skrípaleik. Gamalmennið sem var rænt ævisparnaðnum við hrunið, og á nú vart fyrir mat, þæði þá líka. 

Hvað skildi svo Capacent hafa fengið greitt?  Gat ekki góður starfsmaður ráðuneytisins farið í gegnum þessar umsóknir og sent stjórn ÍBS?

Ásta dregur umsókn til baka

Nú verður að stöðva þjófnaðinn.

 

http://www.visir.is/hjorleifur-faer-rumar-sextan-milljonir-fyrir-ad-haetta-hja-orkuveitunni/article/2010819697577

Verður nýa Ísland eins og nýu bankarnir, glæpafélögin halda áfram að stela öllu steini léttara handa sér og sínum? Með 9x laun venjulegs launamanns, dugar kall greyinu ekki 3mán. uppsagnafrestur, 6mán. í viðbót á biðlaunum!!

Fyrir þrjúhundruð og tuttugu gamalmenni, sem lifa á hrísgrjónum og kjötfarsi, bjargaði fimmtíuþúsund kall alveg mánuðnum og þeim næsta líka!

Heldur Jón grínari, að stuðningsfólk hans og Besta, hafi kosið flokkinn til þess að stökkva   viðstöðulaust út í spillingarforina, og sletta þaðan gulli í einskisnýtar silkihúfur glæpaflokkana?

Ef manndómur væri í þér þá hefðir þú stöðvað þetta. Lamið háhæluðum skónum í borðið og sagt: Reykjavíkurborg er nú stjórnað af venjulegu heiðarlegu fólki og SVONA GERUM VIÐ EKKI!

Hefja þarf rannsókn á, hversvegna maðurinn hafði þessi laun, og stöðva allar greiðslur til hans á meðan. Níuhundruðþúsund er alltof mikið fyrir svona toppskarfa-jobb. en x2 er enn eitt ránið.

ESB, hefur ekkert að bjóða sem er betra en súr hvalur.

Oft er minnst á blessaðar hvalveiðarnar. Þögnin um önnur veiðibönn er nánast alger. Selveiðar munu heyra sögunni til og háfar teljast í útrýmingarhættu.

ESB hefur ekkert að bjóða sem er betra en súr hvalur. Sel og þær afurðir sem hann gefur af sér þurfum við að fara að nýta á ný. Selskinn er einhver besta vara sem til er. Skynsamleg nýting selastofna er af hinu góða, en viðbjóðsleg plastdrullan sem notuð er í fataiðnaði ógnar lífríki selarins. Hákarlinn má synda sinn sjó.(þó ég muni sakna beitunnar) En reyni helvítin að taka af mér skötuna, gríp ég til vopna.

Dingli

Gætu „tekið Noreg á þetta"

Björn Ó! Björn bíttí....

Gylfi Magnússon bregst ráðherraskyldum                                                                Hér rek ég, hvernig Gylfi Magnússon, efnahags- og viðskiptaráðherra, hefur brugðist ráðherraskyldum sínum !!!

Að kasta steinum úr glerhúsi er gamall brandari sem úreltst hefur við hrunið mikla. Einn þeirra ráðherra sem þjóðin treysti fyrir fjöri sínu, en sveik hana klórandi sér í rassgatinu meðan glæpamenn stálu þúsundum milljarða! fyrir framan nef hans, er nú mættur á skriðdreka til að merja liggjandi kollega. 

 

4.5%? Neeei.36%! réttlæta eftirlit með stórhættulegum þunnum veiðibyttum.

Held að 2 af 44 sé sirka 4.5%. Finnst það í raun merkilegt að hinir 14, fyrst þeir voru að drekka á annað borð, hafi passað sig það vel að þeir teldust edrú daginn eftir. Þó mælanlegar leifar sem nema hálfum bjór eða svo hafi fundist, er ekki hægt að segja fólk vera undir áhrifum.

Þrátt fyrir að verða talin til ídjóta með því að segja það, þá segi ég það samt. Mér finnst bara í lagi þó menn skrönglist "rall-hálfir"stuttan spöl á vegslóða milli staða, fjarri umferð og mannaferðum.

36% ökumanna undir áhrifum

Hvaða skuld?

Hefur fólk gleymt því að þrotabú Landsbankans á nánast fyrir allri skuldinni! Ákvörðun Breta og Hollending um að greiða innistæðueigendum strax, áður en bú bankans var gert upp er alfarið þeirra, þrátt fyrir undirskrift Íslenskra ráðamanna, án samþykkis Alþingis og að því virðist í taugaáfalli, um annað.

Icesave-deilan snýst því fyrst og fremst um greiðslu á vöxtum "láns", sem B & H veittu okkur einhliða til þess eins að koma sjálfum sér úr klípu.

Segja stjórnvöld eiga að standa með Íslandi